(កំពង់ស្ពឺ)៖ ហិង្សាក្នុងគ្រួសារកូនប្រុសប្រេីអាវុធកែច្នៃគំរាមបាញ់ទៅលេីម្តាយបេីសិនម្ដាយមិនព្រមលក់កេរអាករណ៍យកមកឱ្យខ្លួនចាយវាយនោះទេ ករណីប្រើអាវុធកែច្នៃគំរាមទៅលេីម្ដាយដោយបានការដឹកនាំបញ្ជាដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កម្លាំងនគរបាលស្រុកសាមគ្គីមុនីជ័យ ក្រោយទទួលបានការស្នេីសុំអន្ដរាគមន៍ពីប្រជាពលរដ្ឋ វេលាម៉ោង ២០:១០នាទី នៅថ្ងៃទី២៥ ខែសីហា ឆ្នាំ២០២៥ កេីតហេតុនៅចំណុចភូមិត្រពាំងសុភី ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ លោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យបានបញ្ជាឱ្យកម្លាំងចុះអន្ដរាគមន៍ភ្លាមៗ ដែលករណីខាងលេីជនសង្ស័យជាកូនគំរាមបាញ់សម្លាប់ម្តាយ ជនសង្ស័យ ឈ្មោះ សៀ ផល្លីន ភេទប្រុស អាយុ៣៥ឆ្នាំ រស់នៅភូមិឃុំខាងលើ ។
តាមការបញ្ជាក់គឺមូលហេតុមកពីម្ដាយមិនព្រមលក់ដីកេរដូនតាឱ្យខ្លួនចាយវាយហ្នឹងគេទេីបខឹងបានយកកាំភ្លើងខ្យល់កែច្នៃប្រើហ្គាសទៅគំរាមបាញ់សម្លាប់ម្តាយបង្កើតរបស់ខ្លួនតែម្ដង មុខសញ្ញានេះជាជនប្រេីប្រាស់សារធាតុញៀន និងធ្លាប់បានបញ្ជូនទៅមណ្ឌលអប់រំបន្សាបគ្រឿងញៀនមួយលេីក ពីរលេីករួចផងដែរតែលទ្ធផលមិនថមថយមកវិញបានមួយរយៈក៏នៅបង្កហិង្សាដដែល។
សមត្ថកិច្ចបានដកហូតវត្ថុតាងកាំភ្លើងកែច្នៃចំនួន១ដេីម (ប្រើហ្គាស) និងដែកស្រួចមួយ បច្ចុប្បន្នជនសង្ស័យត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកសាមគ្គីមុនីជ័យដើម្បីសាកសួរបំពេញនីតិវិធីកសាងសំណុំរឿងចាត់ការតាមច្បាប់៕
